‘एउटै सपना, एउटै समुदाय, एउटै समारोह’ ३० औ ए एन ए सम्मेलनको मूल नारा रहेको छ । सो परिकल्पना साकार गर्न मूल समारोह समिति तथा सम्पूर्ण समितिहरु कडा मेहनतको साथ अपार सफलता बनाउन तत्परताको साथ जुटेका छन । युवा वर्ग सम्भावनाका भण्डार हुन्, उनिहरुमा बिश्व हाक्ने शक्ति हुन्छ र आमुल परिवर्तनका संवाहक भएकाले उनीहरुको काधमा ३० औ ए एन ए डालस सम्मेलनले बिसेष जिम्मेबारी सुम्पिएको छ । आधा आकाश ढाक्ने महिलावर्गलाई उच्च प्राथमिकता दिदै ज्यादा भन्दा ज्यादा महिला सहभागिता गराईएको छ र सोहि अनुसार महिला कार्यक्रमहरु प्रशस्त ल्याउने उदेश्य राखिएको छ ।
ए एन ए कानुनी र आर्थिक रुपमा विधिवत रुपमा गैर मुनाफा संस्थाको अनुपालन(कम्प्लायंस)मा प्रवेश भै सकेको र ए एन ए जुन उदेश्य अनुरुप स्थापना गरिएको छ सोहि अनुरुप अग्रगामी दिशा तर्फ बढ्दै जाने कुरामा दृढ छ ।नेपाली समुदायको जनघनत्व यो राष्ट्र भरि नै बिजगणतीय हिसाबले बढ्दै गई रहेको अवस्थामा ए एन ए को भूमिका एक शसक्त छाता संगठनको रुपमा भूमिका निर्वाह गर्नु पर्ने ,आमुल परिवर्तनको वकालत गर्ने र समुदायको चाहना अनुसार यी कुराहरुको सम्बोधन हुनु पर्ने माग पनि बढ्दै गई रहेको अवस्थामा समुदायको चाहना प्रति ए एन ए सम्बेदनशील छ ।गम्भीरताको साथ समुदायले परिकल्पना गरेको एक आदर्श र नेतृत्वमुखी संस्थाको रुपमा आफुलाई प्रस्तुत गर्न उक्त अवसरको आफुले चुनौती लिन कदम अगाढी बढाउने छ ।
ए एन ए पुन: नया ढाचा र नौलो रुपमा रुपान्तरित हुदै अझ उत्तम तथा समुदायलाई अझ मजबूत बनाउने बिषयमा कटीबद्द छ । शिघ्र ,हामी यहाँहरुका सुझाब संकलन गर्न हाम्रो सम्मेलन संजाल (www.anatexas.org) मार्फत ग्रहण गर्ने छौ । सम्मेलनमा एकीकरण वा पुनर्मिलन भेटघाट, बिभिन्न प्रकारका मंचहरु, नेपालको वर्तमान अवस्था, बाणिज्य सम्बन्धि गोष्ठी, नेपालको बिकासको लागि लगानी तथा अन्य जल्दा बल्दा मुद्दाहरुलाई समेत समेटिने खालका कार्यक्रमहरु गरिने छन ।
बिद्यालय तथा विश्वबिद्यालय अध्ययन समाप्त गर्नु भएका तमाम बिध्यार्थीहरुको हितको पक्षमा समेत उपयोगी मंच हुने कुरामा हामी विश्वस्त छौ। बालबालिकाहरुका लागि क्रमस: हाजिरी जवाफ प्रतियोगिता, हिज्जे बी प्रतियोगिता, बालबालिकाहरुको लागि सास्कृतिक प्रतिभा प्रतियोगिता र ११ प्रकारका खेलकूद गराईने तय गरिएको छ । क्रिकेट (डन्डी मुंग्रो), स्नूकर (मट्याण्ग्रो डन्डी), ब्याड मिन्टन (प्वाखे मुंग्रो ) आदि ईत्यादी खेल समाबेश गरिएको छ । खेलकूद ए एन ए को एक अहम हिस्सा भएको कारण यसलाई जीवन्तता दिनु ए एन ए एक उदेश्य रहेको छ ।ए एन ए डालस शान्ति म्याराथून दौडको घोषणाले नया आयाम थपिने कुरामा बिस्वस्त छ । युवावर्गहरुको माग र चाहना अनुरुप ए एन ए फेशन(भेषभूषा) प्रदर्शनलाई निरन्तरता दिईएको छ भने आफु भित्र लुकेको प्रतिभा प्रस्फुटन गर्ने सबै युवावर्गलाई एक साझा मंच हुने विश्वास लिईएको छ ।
खेलकूदमा, गत बर्ष बिजेता भएका सम्पूर्ण खेलका बिजयी समुहहरुलाई सम्मेलनमा सहभागी हुदा तिर्नु पर्ने दस्तुर यो बर्ष मिनाहा गरिएको छ ।यो बर्ष फूटबल (भकुण्डो ) तथा बास्केट बल (टोकरी भकुण्डो )का बिजेताहरुलाई $ ३०००.००(तीन हजार डलर )प्रदान गरिने भएको छ ।अन्य अरु खेलकूदको लागि पनी गहन बिचार विमर्श गरि रहेको जानकारी गराउदछौ । सम्मेलन संजाल(www.anatexas.org)मा हेर्न अनुरोध छ र हामी सूचना टास गर्ने छौ ।
यसै बर्ष अर्थात् ३० औ ए एन ए डालस सम्मेलन देखि लागु हुने गरि तीन बर्ष सम्म लगातार बिजयी फूटबल (भकुण्डो )समुहलाई $ १०,७७७.०० (दस हजार सात सय सत्ततर डलर) तथा बास्केट बल समुहलाई $५५५५.०० (पाँच हजार पाँच सय पचपन्न डलर) तथा ए एन बडी अस्थिर पदक ( ए एन ए बडी रनिंग शिल्ड) प्रदान गरिने घोषणा गरिएको छ ।
जुलाई २ तारिख सोमबार ,बिश्वबाट सहभागी हुन् आउने सम्पूर्ण उदद्मी तथ् ब्यापारीहरुको सम्मानमा एक बृहत ब्यापार अन्तरक्रिया कार्यक्रम गरिने तय भएको छ ,र उपस्थित सहभागीहरुको लागि यो एउटा सुवर्ण अवसर हुनेछ ।यसै गरि ए एन ए प्रोमो भिडिओ ( श्रब्य दृश्य ) का सार्बजनिक गरि सकिएको छ र विश्वका कुनै पनी कुनामा रहेका नेपालीहरु सहभागी हुन् सक्नु भन्ने अभिप्रायले अधिकांश संचार माध्यममार्फत सूचना प्रकाशित गरि सकिएको छ र बिजेतालाई नेपाली रुपैया १,००,००१(रु .एक लाख एक रुपैया )को पुरस्कारको ब्यबस्था गरिएको छ ।
ए एन ए को साहित्यको क्षेत्रमा यस बर्ष पनी अझ उत्तम साहित्यिक कार्यक्रम पस्किने र बिजयी साहित्यिक अनुरागीहरुलाई बिसेष पुरस्कार प्रदान गरिने भएको छ ।अन्त्यमा यो सम्मेलन गर्न पाउदा हामीलाई खुशी लागेको छ र यहाँहरुको स्वागार्थ हामी कौतुलताको साथ टेक्सासमा प्रतिक्षा गरि रहेका छौ ।यहाहरुका सुझाब, सल्लाह , प्रश्न र कुनै जिज्ञाशा भए हामीलाई जानकारी गराउन अनुरोध छ र यसको हामी स्वागत गर्दछौ ।
सहयोगको लागि धन्यबाद ! उत्तर अमेरिकामा बसोबास गर्ने सम्पूर्ण दाजुभाई तथा दिदिबहिनिहरु यो पर्वलाई एक गौरब बनाऔ र यो उत्सब प्रति गर्ब गरौ ।
शिघ्र भेटघाट हुने बचन बद्दताको साथ बिदा!
धन्यबाद !
पासांग लामा,
प्रमुख संयोजक
३० औ ए एन ए डालस सम्मेलन
सम्पर्क :८७१-७१५-३४००
pasang।[email protected]
‘एउटै सपना , एउटै समुदाय , एउटै समारोह’
