न्युयोर्क, सिएनएन हिरो २०१२ पुष्पा बस्नेतले आफ्ना अभिभावकसंगै जेलमा रहेका बाल बालिकाहरुलाई उद्धार गरेर आमाको रुपमा हेरचाह गरेको कार्यहरुलाई समेटेर तयार पारिएको डकुमेन्ट्री फिल्म वेटिंग फर मामु न्युयोर्कमा प्रर्दशन भएको छ । न्युयोर्क युनिभसिर्टी (एनवाईयु) र ह्वाईट हिमाल टेलिभिजनको संयुक्त आयोजनामा भएको बिषेश प्रर्दशनमा फिल्मका निर्माता सुसान सुरेन्डन र निर्देशक थोमस मोर्गनले फिल्म निर्माण गर्नुको कारण र आफ्ना अनुभवहरु सुनाएका थिए । न्युयोर्क युनिभसिर्टीको हलमा भएको बिषेश प्रदर्शनीमाा न्युयोर्कमा रहेका नेपाली समाजका अगुवाहरु र बिभिन्न क्षेत्रका अमेरिकनहरुको उपस्थिती रहेको थियो । वेटिंग फर मामुमा सिएनएन हिरो बस्नेतका सामााजिक जिवनको यात्राको साथै उनले संरक्षण गरेर राखेका बालबालीकाहरुको अनुभवहरुलाई समेटीएको छ । सानो उमेर देखी नै समाजसेवामा लागेकी बस्नेतले वेटीगं फर मामुमा आफुले चाहेर पनि एउटा अलग्गै घर बनाउन नसक्दा जेल भित्र रहेका अन्य बालबालीकाहरुका लागि बाहिर ल्याउन नसकेको अनुभव सुनाएकी छन् ।
करिब एक घण्टाको डकुमेन्ट्री फिल्ममा बालबालीकाहरुले अभिभावक गुमाउदाको पिडा र पुषपा बस्नेतले गरेको मायाको बारेमा भावनात्मक रुपमा अनुभब सुनाउंदा हलमा रहेका अधिकाशं दर्शकको आंखामा आशुं आएको देखिन्थ्यो । पुषपा बस्नेतले बालबालिकाहरुको उचित संरक्षण गर्न र जेलमा रहेका अन्य बालबलीकाहरुलाई पनि बाहिर ल्याएर संरक्षण गर्ने उद्धेश्यका साथ निर्माण गर्न खोजेको आमाको घरका लागि आथिर्क सहयोग संकलनका साथ डकुमेन्ट्री फिल्मको प्रदर्शन गरिएको निर्देशक मोर्गनले बताएका छन् । बस्नेतले गरेको असल कार्यलाई प्रोत्साहन दिन र थप सहयोग प्राप्त हुने अपेक्षाका साथ न्युयोर्कमा बिषेश प्रर्दशन गरिएको ह्वाईट हिमाल टेलिभिजनका अध्यक्ष शान खड्काले जानकारी दिनुभयो । वेटिंग फर मामु बिभिन्न अवार्डहरुमा समेत छनौट भएको छ ।
