के छ र जिन्दगी यो म त रोइ रोइ बाचिरहन्छु
तिमी खाली खुशी हुनु म त आसुँ लुकाइ हासिरहन्छु
वाधा नआओस तिम्रो यात्रामा मख्मली होउन तिम्रो बाटो
न्यानो चाहिए मलाई भन म कोइला बनेर जलिरहन्छु …
पाउनु मात्र होइन माया गुमाउनुमा धेरै सुख रहेछ
मैले गुमाउदा अरु रमाउने यो जीवनको रित नै रहेछ
आफुलाई चोट लाग्दा पनि म हरपल तिम्रै खुशी मागिरहन्छु
तिमी खाली खुशी हुनु म त आशु लुकाइ हासिरहन्छु …
जिन्दगी एउटा यात्रा रहेछ हजारौ पिडा झेल्नु नै पर्ने
ठेस लागि घाऊ हुँदा सहेर फेरी हास्नु नै पर्ने
मलाई चोट दिए पनि म तिम्रो नै खुशी मागी रहन्छु
सितलता चाहिए मलाई भन म बादल बनी बर्सिरहन्छु …
माया भनेको भ्रम नै रहेछ त्यो भ्रममा म फस्न पुगेछु
यो भ्रममा अरु कसैलाई नपार त्यही एउटा कुरा मगिरहन्छु
फेरी कसैलाई चोट नदेउ त्यही एउटा कुरा मगिरहन्छु ।।
