पौष २१,भर्जिनिया
विजय थापा
अमेरिकाको फोर्ट मेएरस, फ्लोरिडा निवासी ५९ बर्षिय अजय सत्यालले पौष २० गते १०० औं पटक रक्तदान गरेका छन् । बिश्व भरिमै एक प्रतिशत भन्दा कम रक्तदाताहरु उक्त बिन्दुमा पुग्छन । ‘२५ बर्ष अगाडी आफु साथीबाट अभिप्रेरित भै रगत दान गर्न सुरु गरे यता सयौ बिरामीहरुलाई बचाउन सहयोग गर्न पाएकोमा खुशी छु भन्दै यो मेरो सुरुवात मात्र हो सत्यालले भने । स्वास्थ्यले साथ दिए सम्म यो पबित्र कार्यमा लागि रहेने छु’ दृढता व्यक्त गरे।
फ्लोरिडा राज्य सरकारको बातावरण संरक्षण विभागमा प्रशासक अधिकारीको हैशिएतले कार्यरत सत्यालले ‘मेरो परिवारमा छोरा र छोरीले पनि रक्तदान गर्ने गरेका छन्’ भने । होल ब्लड ८० र प्लेटलेट्स २० पटक दान गरि किर्तिमान राखेका सत्यालले आफ्नो शरीरको अमुल्य रगत नै अरुलाई दान गर्नुमा जति आनन्द त केहीमा छैन भन्दै सम्पूर्ण युवाहरुमा कम से कम बर्षको एक पटक मात्र भए पनि रक्तदान गर्न आब्हान गरे । उनि ब्लड डोनर्स अफ अमेरिकाको बोन म्यारो दान समिति र फ्लोरिडा राज्यको लागि उक्त संस्थाको संयोजक पनि छन् ।
